Un pai lucense asegura que se atopa "totalmente desesperado" desde que a Xunta de Galicia comunicoulle que lle retiraba a custodia dos seus dous fillos, de 11 e 15 anos. Na resolución que lle entregaron hai uns meses, a administración autonómica alegaba que os menores estaban "inmersos nun contexto de tensión crónica que limita o seu benestar e o seu desenvolvemento" e dáballe de prazo ata o 12 de outubro para entregalos.
O proxenitor recorreu a resolución, pero onte comunicáronlle que non se paralizaba o proceso e danlle un novo prazo, ata o vindeiro martes, día 17, para que entregue os nenos na sede administrativa da Xunta. "Vou volver recorrer e non penso separarme dos meus fillos. Están ben atendidos e coidados. Estudan, fan deporte e reciben moito agarimo. Non lles falta de nada e só pido que falen con eles antes de quitarmos. Xa son maiores e poden explicar perfectamente como viven. É incrible que ninguén se interese polo que queren eles", di.
A Xunta recoñece que o pasado 18 de setembro, os técnicos falaron cos menores e explicáronlles que poderían ingresar nun centro, pero os nenos dixeron que querían seguir vivindo co seu pai. Aínda así, a administración autonómica considera que o home se atopa "inestable" a nivel emocional e "non acepta as súas limitacións para manter unha organización familiar", polo que declarou aos dous nenos en desamparo.
"Non están desamparados e todo isto é unha tolemia. Ninguén lles preguntou aos nenos se comen, se senten queridos ou se son felices; só dixéronlles que se cadra se tiñan que ir a un centro. Agora choran abrazados a min e din que non se van a marchar. Teñen que escoitalos porque eu non o penso entregar", conclúe.
