martes. 01.12.2020 |
El tiempo
martes. 01.12.2020
El tiempo

O lume de Cualedro e Monterrei é xa o maior desde 2017, tras devorar máis de 1.500 hectáreas

Un vecino se lamenta de los daños provocados por el fuego en Monterrei. BRAIS LORENZO (Efe)
Un vecino se lamenta de los daños provocados por el fuego en Monterrei. BRAIS LORENZO (Efe)
O lume deuse por controlado na tarde do sábado

O incendio forestal iniciado o pasado mércores no municipio ourensán de Cualedrocontrolado desde a tarde deste sábado, supera as 1.500 hectáreas de terreo queimado, segundo as últimas estimacións da Xunta. A cifra convérteo no maior que rexistra Galicia desde a vaga de lumes de 2017. 

A Consellería do Medio Rural actualizou este venres —"xa sen fume no lugar"— as estimacións de superficie queimada por este incendio, que, no seu avance durante as primeiras horas, obrigou a activar a alerta de Situación 2 pola proximidade ás vivendas do núcleo de San Cristovo, en Monterrei

Danos provocados polo lume en Cualedro. BRAIS LORENZO (Efe)

O lume iniciouse o mércores na parroquia de San Millao e durante as primeiras horas avanzou con gran velocidade, alimentado polo vento e a calor na zona. A última hora do xoves as chamas volveron xerar momentos de tensión ao dirixirse ao núcleo de Oímbra, chegando á zona entre Bousés e A Granxa. Alí, os medios aéreos conseguiron cortar o lume e deixalo illado á beira dunha estrada provincial situada entre esas dúas localidades.

Ante a "evolución favorable" deste incendio, que se cre intencionado, Medio Rural informou de que a nova medición provisional de superficie afectada alcanza as 1.535 hectáreas, das que 525 son agrícolas e 1.010 forestais. En virtude desa medición, o de Cualedro adquire a consideración de grande incendio forestal. 

Ademais, dáse a circunstancia de que é o maior incendio forestal rexistrado en Galicia desde a vaga de lumes que arrasou a comunidade a finais de 2017. De feito, en todo o ano 2018 arderon en Galicia, segundo o Pladiga, 2.599 hectáreas de terreo e algo máis de 6.800 en 2019. O ano pasado, o lume máis grande rexistrado afectou os municipios coruñeses de Dodro e Rianxo, onde quedaron calcinadas 1.160 hectáreas. 

Para a extinción do lume de Cualedro e Monterrei mobilizáronse dous técnicos, 37 axentes, 95 brigadas, 38 motobombas, seis pas, trece helicópteros e outros tantos avións, así como efectivos da Unidade Militar de Urxencias (Ume).

Superficie calcinada en Cualedro. BRAIS LORENZO (Efe)

O lume de Cualedro e Monterrei é xa o maior desde 2017, tras...