A viceportavoz de En Marea, Ana Seijas, asegurou este xoves que a formación considera "pechado" o conflito coa deputada Paula Quinteiro á que as bases, mediante unha consulta, telemática pediron a súa dimisión pola súa conduta nun incidente coa Policía, determinación que ela non asumiu.
"É un tema que demos por pechado. En Marea como partido tomou unha decisión" na que "as inscritas pediron a dimisión" da parlamentaria pero que ela non o aceptou, indicou Seijas.
"Era ela quen tiña que asumir responsabilidades", e a pesar de que a organización mantén que a deputada debería acatar a decisión das bases, non pode obrigala a dimitir porque a acta non corresponde á formación senón á parlamentaria.
A organización de En Marea, con todo, non prevé abrir ningún tipo de expediente á deputada a pesar de que desatendeu ás bases e decidiu aferrarse ao cargo.
Preguntada pola repercusión dese asunto que suscitou controversia incluído dentro do partido, Seijas opinou que durante os dous últimos meses de debate interno, evidenciouse que En Marea "é un espazo diferente" ao resto de partidos e no que "todas as persoas teñen capacidade de decisión" e afirmou que a ética se puxo como algo primordial para a nosa organización".
