domingo. 19.09.2021 |
El tiempo
domingo. 19.09.2021
El tiempo

Un matrimonio de Corcubión recupera 88.764 euros en accións do Popular

Oficina del Banco Popular. EFE
Oficina del Banco Popular. EFE
As participacións foran compradas en 2015 a través doutra entidade

O Xulgado de Primeira Instancia e Instrución Número 2 de Corcubión (A Coruña) ditou sentenza a favor dun matrimonio da localidade que perdera os seus aforros investidos en accións do Banco Popular adquiridas en varias compras realizadas desde o ano 2015 a través doutra entidade, Abanca.

A sentenza foi difundida polo despacho Solvendi Avogados, que explica que o matrimonio adquirira por importe de 88.764 euros acciones de Banco Popular en varias compras durante os anos 2015 e 2016.

Recorda que en xuño de 2017, o Banco Central Europeo "declarou inviable á entidade Banco Popular" acordando a resolución por parte da xunta única de resolución e "anunciando o FROB a súa venda a Banco Santander polo prezo de 1 euro, amortizando todas as accións do Banco Popular que pasaron a valer cero euros, perdendo así os accionistas a totalidade do valor do seu investimento".

A pesar de que as accións do Popular foron adquiridas a través doutro intermediario, o xuíz considera que o Banco Santander debe "responder as falsidades e/ou manipulacións das contas anuais, informes semestrais e folleto informativo publicados durante os últimos anos por Banco Popular".

"A IMAXE NON ERA DE POSIBLE QUEBRA"

"A imaxe que transmitía a entidade non era dunha posible quebra; pola contra, expúñase unha evolución positiva, en termos claramente favorables aos investidores", alega o fallo.

Engade que no documento de conclusións relativas ao aumento de capital incluíase: "A partir de 2017 seremos capaces de acelerar gradualmente o retorno a unha política de dividendos en efectivo para os nosos accionistas mentres continuemos reforzando os nosos cocientes de capital".

Así as cousas, ao considerar o xuíz que Banco Popular ofreceu unha información "inexacta" nas contas presentadas, estima a demanda e impón ao Banco Santander, ademais, as costas xudiciais.

Un matrimonio de Corcubión recupera 88.764 euros en accións do Popular
Comentarios