domingo. 01.11.2020 |
El tiempo
domingo. 01.11.2020
El tiempo

Os médicos galegos poderán consultar o historial dos contactos estreitos dos positivos

Pruebas para detectar el coronavirus en el Hospital Provincial de Pontevedra. JOSÉ LUIZ OUBIÑA
Pruebas para detectar el coronavirus en el Hospital Provincial de Pontevedra. JOSÉ LUIZ OUBIÑA
Desta forma preténdese mellorar o rastrexo dos gromos

Os médicos galegos poderán consultar a partir de agora a rede integral de seguimento do covid-19, de modo que terán acceso a través da historia clínica electrónica (IANUS) aos casos sospeitosos e aos contactos estreitos relacionados cos seus pacientes.

Segundo apunta a Consellería de Sanidade nun comunicado, coa posta en marcha da Central de seguimento de contactos obtense información relevante sobre as enquisas realizadas a todos os casos e o seguimento de contactos.

Esta información consolídase no sistema de vixilancia epidemiolóxica (VIXIA), "único para toda a comunidade", que permite dispón dunha información "veraz, actualizada e consolidada" asociada a cada caso e aos seus contactos, indica Sanidade.

A partir de agora esta información "esténdese a todos os profesionais sanitarios introducindo melloras no IANUS", destaca a Consellería de Sanidade, de modo que poderán consultar non só a situación dos seus pacientes, senón tamén a evolución das persoas da súa contorna que puidesen ter contacto co virus, ver se están en seguimento, se presentan síntomas e mesmo se contraeron a enfermidade.

A pasada semana a Asociación Galega de Medicina Familiar e Comunitaria (Agamfec) criticou a falta de coordinación cos rastreadores contratados pola Xunta e demandou poder ter acceso aos datos dos contactos dos seus pacientes.

Os médicos galegos poderán consultar o historial dos contactos...
Comentarios