Este xoves rexistráronse sete vítimas mortais diagnosticadas de covid, polo que Galicia suma 1.046 falecementos desde que comezou a pandemia, pero o número de decesos descende de xeito importante con respecto aos últimos días, cando se chegaron a rexistrar máis de vinte mortes diarias.
Segundo informa a Consellería de Sanidade, na Coruña, morreu un home de 80 anos no CHUAC e en Santiago, no CHUS, faleceu unha muller de 88 anos.
O resto de mortes rexistráronse na provincia pontevedresa, catro en Vigo e un no Salnés.
No Chuvi faleceron dous homes de 82 anos, un procedente da Residencia Ballesol, e unha muller de 77 anos procedente da Residencia de Salvaterra de Miño.
Na área sanitaria de Vigo un home de 74 anos morreu no seu domicilio de Crecente, e no Hospital do Salnés faleceu unha muller de 87 anos que procedía dá Residencia DomusVI de Ribadumia.
Todos eles tiñan patoloxías previas.
