Un motorista resulta ferido grave na Pobra do Caramiñal ao chocar contra un turismo

 En Vilagarcía tres persoas resultaron feridas de carácter leve ao producirse unha colisión por alcance entre tres turismos 

Ambulancia. EP
photo_camera Ambulancia. EP

Un choque entre unha moto e un coche deixou unha persoa ferida grave no concello coruñés da Pobra do Caramiñal.

O accidente produciuse dez minutos antes das 12.00 horas deste mediodía. Foi, a esa hora, cando varios particulares informaron ao 112 Galicia dun accidente grave entre un coche e unha moto na Rúa de Gasset, diante da Casa da Cultura da localidade.

Tamén persoal sanitario, debido á gravidade da situación, comunicou ao 112 a saída do helicóptero medicalizado con base en Santiago de Compostela, que tomou terra no Porto. Desde alí, o equipo médico  trasladouse ata o lugar onde se atopaba o ferido e, unha vez no punto, o motorista foi evacuado en ambulancia ata o lugar onde aterrara a aeronave.

O ferido foi evacuado na aeronave ata o Hospital Clínico Universitario de Santiago

Ademais dos servizos sanitarios de urxencia trasladáronse ata o lugar do sinistro, os axentes da Policía local, os Bombeiros de Ribeira e os efectivos de Protección Civil.

Finalmente, o ferido foi evacuado na aeronave ata o Hospital Clínico Universitario de Santiago.

Tres feridos leves en Vilagarcía
Tamén, en Vilagarcía, tres persoas resultaron feridas de carácter leve ao producirse unha colisión por alcance entre tres turismos que circulaban á altura do Centro Comercial Arousa.

Tras ser alertados polos servizos sanitarios de urxencia, os xestores do 112 Galicia informaron decontado á Policía Local, aos Bombeiros e aos membros do Servizo Municipal de Emerxencias, que confirmaron o traslado dos tres feridos ao centro hospitalario de referencia.

Saída de vía de autocaravana
Por outra banda, sobre as 12:15 horas, o 112 Galicia era informado dunha saída de vía dunha autocaravana que circulaba pola AP-9, ao redor do punto quilométrico 43, dirección Sur, á altura da localidade de Ordes.

Afortunadamente, ningún dos ocupantes resultou ferido.

Tras recibir a alerta dun particular, o 112 Galicia informou á Garda Civil de Tráfico, Policía Local, Bombeiros de Ordes e a Protección Civil. De igual xeito, informouse aos servizos sanitarios de urxencia e ao persoal do servizo da Autoestrada.

Comentarios