Un mozo saíuse esta madrugada da vía en Vigo co seu vehículo, que acabou no río Lagares, ao que se precipitou por unha zona de difícil acceso. O accidente ocorreu sobre as catro da madrugada na Avenida Citroën e o mozo saíu ileso do accidente.
Un particular escoitou os berros de auxilio e, enseguida, chamou ao 112 Galicia para informar da situación. O persoal do Centro Integrado de Atención ás Urxencias de Galicia pediu a colaboración dos Bombeiros de Vigo, ademais da dos profesionais de Urxencias Sanitarias de Galicia-061.
Unha vez no lugar do sinistro, os bombeiros comprobaron que, a pesar da situación na que quedou o vehículo, podíase acceder ao ocupante sen a necesidade de empregar os equipos de excarceración.