jueves. 21.11.2019 |
El tiempo
jueves. 21.11.2019
El tiempo

Nace o I Concurso de Marketing Solidario para que as ONG capten socios e doazóns

Cartel do concurso de marketing solidario de Clickage. EP
Cartel do concurso de marketing solidario de Clickage. EP

A empresa Clickage, ubicada en Nigrán, creará e xestionará as campañas publicitarias en Google das organizacións gañadoras ►O prazo de inscrición comeza este venres

Clickage empresa de marketing situada en Porto do Molle (Nigrán), pon en marcha a partir deste venres un certame solidario dirixido a ONGs. A compañía encargarase, de forma totalmente gratuíta, da creación e xestión de campañas publicitarias en Google das tres organizacións que resulten gañadoras do concurso. 

Con este evento, Clickage busca "axudar a mellorar a visibilidade das entidades sen ánimo de lucro co fin de que consigan incrementar o seu número de voluntarios e aumentar as doazóns para a súa causa". De todas a ONG que se inscriban, seleccionaranse tres, unha por cada categoría dispoñible (caridade, defensa e servizos).

Emanuele Ricciotti, fundador de Clickage, ten claro o motivo polo que decidiron lanzar o concurso: "Queremos achegar a nosa experiencia no terreo do marketing para contribuír a crear unha sociedade mellor na que todos teñamos dereito a unha vida digna, lonxe dos malos tratos ou a pobreza e cremos que o mellor xeito de facelo é apoiando e colaborando coa ONG".

Ademais, Clickage tamén xestionará gratuitamente a adhesión das entidades seleccionadas ao programa Google For NonProfits, que permite que a ONG accedan libremente a diferentes servizos do xigante tecnolóxico, entre os que se atopan Google Ad Grants. Grazas a esta ferramenta, poderán dispor de 10.000 dólares mensuais para investir en Ads –a plataforma de anuncios de Google– e promocionar a súa web no maior buscador do mundo. Unha vez dentro, os expertos en marketing de Clickage comezarán a crear diversas campañas publicitarias en favor da ONG para que logren un impulso na súa causa.

Ademais, Clickage encargarase igualmente de deseñar unha landing page –páxina de destino dentro da web da ONG– feita especialmente para captar socios e doazóns.

As bases completas para coñecer os requisitos do concurso e inscribirse atópanse na web da Clickage. As ONGs poderán inscribirse ata o 30 de xuño.

Nace o I Concurso de Marketing Solidario para que as ONG capten...
Comentarios