Un neno de trece anos resultou ferido na tarde deste domingo en Rianxo despois de ser atropelado mentres circulaba en bicicleta, na estrada CP-3301, ao seu paso por Rial, na parroquia de Leiro. Segundo informou o servizo de emerxencias do 112 Galicia, tívose constancia do ocorrido a través da alerta das urxencias sanitarias do 061, ao redor das 14.30 horas. A continuación, os profesionais do Centro Integrado de Atención ás Emerxencias (CIAE) 112 Galicia comunicaron o aviso á Garda Civil de Tráfico, a Protección Civil, aos Bombeiros de Boiro e á Policía Local. Finalmente, o menor foi trasladado polos efectivos sanitarios ao punto de Atención Continuada de Rianxo.
Un neno de trece anos, ferido ao ser atropelado cando circulaba en bicicleta en Rianxo
O menor foi trasladado polos efectivos sanitarios ao punto de Atención Continuada de Rianxo
