O falecemento de dúas persoas diagnosticadas por Covid-19 en hospitais galegos nas últimas horas elevan o cómputo de vítimas na comunidade a 681 desde o inicio da pandemia.
As autoridades sanitarias informaron da morte de dous homes, de 75 e 87 anos de idade, que estaban ingresados no Hospital de Verín e que presentaban patoloxías previas.
Estes dous casos únense aos outros tres falecidos confirmados este sábado: un home duns 77 anos que estaba ingresado no Complexo Hospitalario Universitario da Coruña, unha muller de 87 anos ingresada no Hospital Universitario Lucus Augusti (HULA), usuaria da residencia do Incio, e outro home de 92 anos que morreu nesta mesma residencia. O tres casos presentaban patoloxías previas.
