jueves. 04.06.2020 |
El tiempo
jueves. 04.06.2020
El tiempo

PharmaMar logra o certificado CE para o seu kit de diagnóstico do covid-19

O kit de diagnóstico de PharmaMar
O kit de diagnóstico de PharmaMar

Genomica, a empresa de diagnóstico molecular da farmacéutica galega PharmaMar, informou de que obtivo o marcado CE de conformidade para kits de diagnóstico do novo coronavirus, o que acredita que cumpre os requisitos esenciais descritos na Directiva 98/79/CE sobre produtos sanitarios para diagnóstico in vitro. 

Genomica completou con éxito as probas realizadas con mostras de pacientes, en colaboración co Instituto de Saúde Carlos III. Estes kits son "altamente sensibles e específicos" na detección do coronavirus, polo que podería detectarse o virus incluso antes de que o paciente mostre síntomas. 

Xa están dispoñibles comercialmente e son compatibles coas dúas tecnoloxías de diagnóstico máis utilizadas en hospitais e centros de saúde: Clart de Genomica e PCR Real Time. A primeira ten ten capacidade para analizar simultaneamente 96 mostras de pacientes en menos de 5 horas, o que fai que sexa unha opción de diagnóstico para o cribado do virus na poboación. 

Genomica xa está en contacto coas autoridades sanitarias para prover estes kits de diagnóstico segundo a demanda xerada pola urxencia sanitaria pola infección Covid19. Ademais, ten acordos comerciais en máis de 30 países, entre eles China, onde xa pode empezar a distribuír estes kits. 

PharmaMar logra o certificado CE para o seu kit de diagnóstico do...
Comentarios