martes. 10.12.2019 |
El tiempo
martes. 10.12.2019
El tiempo

Podemos ofrece a EU, Anova e ás mareas locais abrir un "diálogo" fóra de En Marea

Romería do aniversario de En Marea, en xuño de 2018. XOÁN REY
Romería do aniversario de En Marea, en xuño de 2018. XOÁN REY

Tras a auditoría encargada, a formación ve "graves deficiencias" nas primarias e non recoñece a dirección encabezada por Villares

A cúpula de Podemos Galicia realizou un ofrecemento a Esquerda Unida, Anova e ás mareas locais para abrir un "diálogo" fóra do seo de En Marea, cuxa dirección encabezada por Luís Villares está, para o partido morado, "anulada e inhabilitada politicamente" por ser electa nun proceso "irregular" e carente de "garantías democráticas e transparencia". 

A dirección da organización que lidera o deputado Antón Gómez-Reino remitiu aos seus inscritos o informe realizado por un perito informático que conclúe que "non se pode garantir a integridade dos resultados do proceso electoral" celebrado polo partido instrumental a finais de decembro e que se saldou coa vitoria da lista de Luís Villares co 60% dos votos, polo 40% obtido pola lista do sector crítico, apoiada por Podemos. 

Acompañando á auditoría encargada ao informático Lorenzo Martínez, Podemos enviou un comunicado no que convida a establecer "un diálogo externo" co resto de organizacións e mareas críticas coa dirección de En Marea de cara a "articular, de forma democrática e colectiva a Galicia que vén". 

Podemos desmárcase de En Marea e ofrécese a encabezar os movementos de unidade popular que "cristalizarían"

Deste xeito, o partido morado abre a porta a deixar de participar en En Marea e ofrécese a encabezar os movementos que, segundo reza o comunicado, "cristalizarían nunha conferencia política de país" no que abordarían o futuro da denominada unidade popular e que suporían a escenificación da ruptura do partido instrumental, creado no verán de 2016 para as últimas eleccións autonómicas. 

E é que, segundo fontes próximas á dirección consultadas por Europa Press, a cúpula de Podemos Galicia considera que é "imposible" convivir co sector de Luís Villares tras o acontecido no último mes e medio; polo que convidan aos seus socios da candidatura Entre Todas a iniciar un camiño político sen contar co maxistrado en excedencia e os seus afíns.

Podemos Galicia considera imposible convivir co sector de Villares tras a polémica das primarias

Así, nun comunicado dirixido aos seus inscritos, Podemos considera que "a enorme gravidade da situación xerada pola coordinadora de En Marea esixe, en calquera espazo democrático a inmediata dimisión dos responsables políticos da vulneración de dereitos e obrigacións". 

"A vulneración destes dereitos e obrigacións, así como as irregularidades e a ausencia total de garantías democráticas e transparencia, obrigan a concluír a Podemos Galicia a total perda de confianza política nos responsables de todo este proceso: a coordinadora do partido instrumental de En Marea encabezada por Luís Villares", reza o escrito de Podemos. 

A ruptura coa actual dirección de En Marea é total e consideran "inhabilitados políticamente" aos membros da dirección

Deste xeito, a organización que lidera Gómez-Reino cre que o informe pericial revela "rigorosos e severos datos" que "invalidan" as eleccións internas de En Marea. Por tanto, non recoñecen os resultados das primarias e consideran "inhabilitados politicamente" os órganos de dirección do partido instrumental, constituídos o pasado 29 de decembro sen presenza das 14 persoas electas pola candidatura crítica. 

En conclusión, Podemos Galicia avanza na ruptura coa actual dirección de En Marea e convida ao resto de organizacións e mareas críticas con Villares a iniciar un camiño sen contar co maxistrado en excedencia e os seus afíns.

A auditoría di que o sistema de votación ten "graves deficiencias"
O perito informático contratado por Podemos Galicia para auditar o proceso de votacións das primarias de En Marea conclúe no seu informe que "non se pode garantir a integridade dos resultados do proceso electoral acontecido nas votacións do 22 e 23 de decembro", no que a lista de Luís Villares impúxose con case o 60% dos votos á candidatura do sector crítico, na que participaba o partido morado. 

Esta é unha das conclusións que resalta Lorenzo Martínez, da consultoría Securízame, na súa auditoría sobre a primarias encargada por Podemos e á que tivo acceso Europa Press. Nela, o perito afirma que a plataforma de votacións "mostra graves deficiencias" que permiten a "calquera usuario" do sistema acceder a "datos persoais" do resto de persoas inscrita

Podemos ofrece a EU, Anova e ás mareas locais abrir un "diálogo"...
Comentarios