lunes. 25.01.2021 |
El tiempo
lunes. 25.01.2021
El tiempo

PPdeG, PSdeG, En Común, En Marea e C's vivirán a noite nas súas sedes e o BNG nun restaurante

Elección de papeleta en las elecciones. J.J.GUILLÉN (EFE)
Elección de papeleta en las elecciones. J.J.GUILLÉN (EFE)

A capital galega será o epicentro do seguimento da noite electoral deste domingo

A capital galega será un dos epicentros do seguimento da noite electoral deste domingo, para a que a maior parte dos partidos elixiron as súas sedes, mentres que o BNG optou por un restaurante.

Así, espérase a presenza de militantes e simpatizantes a partir de última hora da tarde, como adoita ser habitual, cando pechen as urnas ás 20.00 horas e se coñezan as primeiras sondaxes a pé de urna e como se distribuirían os 23 deputados que elixe Galicia.

Os populares farán o seguimento na súa sede en Santiago aínda que as comparecencias a medios de comunicación realizaranse no Hotel Eurostars de San Lázaro. Na sede estarán o presidente do partido e da Xunta, Alberto Núñez Feijóo, o secretario xeral do PPdeG, Miguel Tellado, e parte do seu equipo; mentres que os candidatos permanecerán nas sedes provinciais.

O PSdeG encabezado por un Gonzalo Caballero que se 'estrea' como líder socialista nunha cita electoral, reunirase na súa sede autonómica do Pino, onde tamén se espera a presenza doutros destacados dirixentes.

Os candidatos de En Común-Unidas Podemos, con Antón Gómez-Reino e Yolanda Díaz como referentes, volverán á súa sede de campaña, no Coworking CampusStellae situado na histórica Praza da Quintana, para coñecer os resultados das urnas.

Pola súa banda, Luís Villares, líder de En Marea, darase cita cos candidatos polas catro provincias, os candidatos e outros membros da formación na sede do partido, situada no Ensanche da capital galega.

Está previsto que os cabeza de lista de Ciudadanos polas catro provincias se reúnan na sede compostelá do partido laranxa, situada no barrio de Conxo.

En cambio, o BNG trasládase de Rodríguez de Viguri ao restaurante A Nave de Vidán, como xa fixo nas autonómicas de 2016. Alí estará a Executiva Nacional liderada pola portavoz nacional, Ana Pontón, e da que forman parte o candidato pola Coruña, Néstor Rego, e a cabeza de lista por Pontevedra, Carme da Silva.

Pola súa banda, os candidatos de Vox farán seguimento nas súas respectivas circunscricións. Así, Begoña Conde estará no Hotel Princess de Ourense; mentres que os candidatos por Pontevedra e A Coruña seguirán o reconto en 'As Tapas de José' de Vigo e no hotel Praza da cidade herculina.

PPdeG, PSdeG, En Común, En Marea e C's vivirán a noite nas súas...
Comentarios