viernes. 15.11.2019 |
El tiempo
viernes. 15.11.2019
El tiempo

O primeiro temporal do outono deixa abundantes choivas e ventos de máis de 100 km/h

Choiva en Pontevedra. JAVIER CERVERA
Choiva en Pontevedra. JAVIER CERVERA
O refacho máximo rexistrouse en Viveiro: 109,8 quilómetros por hora

A primeira fronte fría deste outono deixouse sentir en practicamente toda Galicia, con abundantes precipitacións que superaron os 40 litros por metro cadrado nalgúns municipios e ventos de máis de 100 quilómetros por hora. 

De acordo con información de Meteogalicia, onde máis choiva caeu foi en Santa Comba (A Coruña): a estación meteorolóxica de Montecada rexistrou 50,7 litros por metro cadrado de auga acumulada. 

Entrimo (Ourense) e Lousame (A Coruña) son outros dous municipios nos que chegou a chover de forma bastante intensa, con acumulacións de 42,7 e 41,9 litros por metro cadrado, respectivamente. 

En canto aos ventos, foron superiores aos 100 quilómetros por hora. No observatorio de Penedo do Galo, en Viveiro (Lugo), os refachos alcanzaron os 109,8 quilómetros por hora. 

O temporal deixou tamén valores bastante altos en municipios costeiros ou próximos ao litoral como Lousame (A Coruña), con ventos de 107,2 quilómetros por hora; Oia (Pontevedra), con 104 quilómetros por hora; ou Vimianzo (A Coruña), con 100,2 quilómetros por hora.

Tres provincias en aviso amarelo 
Esta primeira fronte fría que afectou á comunidade ao longo do domingo provocou que Meteogalicia activase un aviso amarelo por choivas e ventos a partir de madrugada desde o litoral oeste da provincia da Coruña ata case todo o territorio de Ourense e Pontevedra. 

En concreto, o aviso comezou ao redor das 3,00 da madrugada na costa coruñesa e foise desprazando cara ao leste ao longo do día. A partir das 21,00 horas e ata as primeiras horas do luns, a alerta xa só quedará activada na montaña ourensá. 

O primeiro temporal do outono deixa abundantes choivas e ventos de...
Comentarios