jueves. 22.10.2020 |
El tiempo
jueves. 22.10.2020
El tiempo

Prohibidas as queimas agrícolas e forestais polas condicións meteorolóxicas

Imagen de una quema de rastrojos. EP
Imagen de una quema de rastrojos. EP

Medio Rural apunta ao elevado risco de incendios

A Consellería do Medio Rural informou de que as queimas de restos agrícolas e forestais amontoados seguen prohibidas en Galicia ata novo aviso, tendo en conta as condicións meteorolóxicas actuais e as previsións para os próximos días. 

En concreto, segundo explicou a Xunta nun comunicado remitido este domingo aos medios, a decisión tomouse tras avaliar a evolución da situación do tempo e unha vez analizados detalladamente os diferentes indicadores técnicos que inciden no risco de incendio en tempada de alto risco. 

Tamén se tivo en conta que a normativa que regula medidas relativas á prevención de incendios forestais, protección dos asentamentos no medio rural e regulación de aproveitamentos e repoboacións forestais, prohibe as queimas cando as condicións meteorolóxicas poidan dificultar o seu control, especialmente en días de vento. 

Así mesmo, a Consellería do Medio Rural pide colaboración da cidadanía para que extreme as precaucións e denuncia calquera actividade delituosa incendiaria da que teña coñecemento. Finalmente, a Xunta insistiu en que, ata novo aviso, non está permitido o uso de lume para ningunha actividade agrícola e forestal. 

Prohibidas as queimas agrícolas e forestais polas condicións...
Comentarios