domingo. 17.11.2019 |
El tiempo
domingo. 17.11.2019
El tiempo

PSOE e BNG selan o acordo para gobernar en coalición no Porriño

La alcaldesa de O Porriño, Eva García de la Torre, en su despacho. FB
La alcaldesa de O Porriño, Eva García de la Torre, en su despacho. FB
Ata agora, o Concello estaba liderado en solitario polos socialistas

A agrupación local do PSOE do municipio pontevedrés do Porriño asinou este martes un acordo de goberno de coalición co BNG, polo que o Concello deixará de estar liderado en solitario polos socialistas.

Tras as eleccións municipais do pasado 26 de maio, o PP quedou ás portas da maioría absoluta con oito concelleiros, mentres que o PSOE obtivo catro representantes, o BNG dous edís, Son en Común outros dous e UDDL un concelleiro, polo que a través dun acordo de investidura, os socialistas fixéronse coa institución, contando cos apoios de todos os grupos da corporación menos cos populares.

O pacto de goberno subscribiuse na noite deste martes polas delegacións negociadores de ambos os partidos. Así, a alcaldesa do Porriño, Eva García, presidirá o gabinete coaligado no que o portavoz nacionalista, Pedro Pereira, será o primeiro tenente de alcalde e a portavoz socialista, Lourdes Moure, ocupará a segunda tenencia de alcaldía.

"O acordo que asinamos pon en común un proxecto compartido para desenvolver políticas de urbanismo, infraestruturas, servizos sociais e noutros ámbitos da xestión do Concello", asegurou García, segundo recollen os socialistas nun comunicado.

Así, a alcaldesa destacou a "transparencia" que, ao seu xuízo, vaise a reforzar na acción municipal "outorgando máis delegacións e polo tanto maior importancia aos acordos que adoptará a xunta de goberno local".

PSOE e BNG selan o acordo para gobernar en coalición no Porriño
Comentarios