A Policía Local de Vigo recuperou un hurón perdido por un veciño, que un cidadán atopou no Morrazo e entregou nunha clínica veterinaria da cidade olívica.
Segundo informaron fontes policiais, o 092 recibiu unha chamada na mañá do martes informando da presenza dun hurón nunha clínica veterinaria, que fora entregado por un cidadán, veciño do Morrazo, que se atopou casualmente co animal.
Tras comprobar que mostraba unha conduta sociable, o home decidiu recollelo e levalo á clínica veterinaria, para intentar localizar o seu propietario.
Dado que o animal non ten microchip nin colar que identificase ao seu propietario, responsables da clínica puxeron os feitos en coñecemento da Policía Local de Vigo. Os axentes foron á clínica a recoller ao animal e avisaron aos responsables do refuxio de Cotorredondo para que se trasladasen á Xefatura da Policía Local a recoller o hurón.
Sobre as 21.30 horas, o propietario do animal chamou ao 092 para recuperar á súa mascota, e explicou que se decatou de que un veciño o atopou e entregado en Vigo.
CULEBRA. Por outra banda, a Policía viguesa tamén interveu este martes nunha vivenda da zona de Navia, tras a aparición dunha culebra bastarda no soto. Os axentes capturaron o réptil e liberárono posteriormente no seu hábitat.
