jueves. 22.10.2020 |
El tiempo
jueves. 22.10.2020
El tiempo

Renfe comunicará Galicia e Madrid con tres trens diarios máis desde o 26 de xuño

Salida del tren con destino Madrid desde Santiago de Compostela. EP
Salida del tren con destino Madrid desde Santiago de Compostela. EP
Haberá saídas e chegadas diarias desde Lugo, Ferrol e Pontevedra

Renfe porá a partir do próximo xoves á venda a oferta de servizos comerciais, que inclúe Ave e Longa Distancia, para viaxar a partir do próximo 22 de xuño ata o 12 de decembro, aínda que no caso de Galicia será a partir do 26, debido ás obras que leva a cabo o Adif entre Ourense e Zamora. 

Concretamente, no caso de orixe ou destino Galicia, haberá ata tres trens máis por sentido a partir da data sinalada, posto que Renfe deixa atrás as restricións á mobilidade e incorpora en España un total de 98 frecuencias diarias, fronte ás 67 actuais. Isto supón un 46% máis de trens que a oferta actual e ampliarase gradualmente a medida que se vaian recuperando os índices de ocupación nos trens. 

Segundo a información distribuída por Renfe, trátase dos trens Alvia con saída diaria de Madrid Chamartín ás 7,15 horas (a Pontevedra); 14,57 horas (a Ferrol); e 19,37 horas (a Lugo). En sentido contrario, sairán trens diarios cara a Madrid ás 11,10 horas de Lugo; 5,55 de Ferrol; e 15,38 horas, de Pontevedra. 

O incremento de frecuencias e prazas é xeneralizado en todos os corredores, con maior incidencia naqueles con máis volume de viaxeiros. En total, desde o 22 de xuño as circulacións Ave e Longa Distancia sumarán unhas 30.000 prazas diarias, o que supón en total un 50% máis con respecto ás actuais. 

A oferta de frecuencias e trens irase ampliando, en función da evolución da demanda e a ocupación dos trens, ata recuperar os niveis previos á crise. A compañía pon á venda os trens ata o 12 de decembro de maneira que, a través da venda anticipada, poderá observar a evolución da demanda a varios meses vista e habilitar os incrementos de trens e frecuencias.

VIAXAR SEGURO A BORDO. Durante a viaxe no tren, é obrigatorio o uso de máscaras por parte de todos os viaxeiros. Así mesmo, por razóns de seguridade sanitaria, non se prestan os servizos a bordo de restauración, reparto de auriculares e de prensa, e venda de artigos. Renfe distribuirá toallitas desinfectantes aos seus viaxeiros a bordo e reforzou as medidas de hixiene e desinfección en todos os seus trens. 

A compañía iniciou o proceso de certificación Aenor dos protocolos de limpeza e desinfección dos seus trens contra o Covid, no marco do programa Obxectivo Tren Seguro deseñado pola compañía para garantir que os seus servizos son operados coas maiores garantías hixiénico-sanitarias, informou Renfe. 

O obxectivo desta iniciativa é "ofrecer aos viaxeiros máxima confianza á hora de viaxar e recuperar así os seus hábitos de mobilidade en transporte ferroviario, un aspecto crave nesta fase de desescalada do confinamento para afrontar con éxito a volta á normalidade". 

Os protocolos de Renfe que certificará AENOR, unha vez superada a auditoría, contemplan todos os momentos en que un viaxeiro entra en contacto cos servizos da compañía antes, durante e unha vez finalizado a súa viaxe. 

Desta forma, inclúen procesos como o check-in e acceso aos trens, a distribución dos pasaxeiros, a limpeza e desinfección do interior dos trens, así como as medidas de protección de viaxeiros e empregados, entre outros.

A TARXETA DOURADA MELLORA AS SÚAS CONDICIÓNS. Coa nova oferta, cambian os atributos da Tarxeta Dourada. A partir do próximo 22 de xuño poderase utilizar os sábados con descontos do 40%, cando ata agora era do 25%, desconto que pasa ao luns. Desta forma, incorpórase un dos días da semana con maior demanda ao mellor desconto. 

Durante a crise sanitaria, Renfe devolveu un total de 38,6 millóns de euros aos seus clientes, polo case millón de billetes anulados durante o estado de alarma para viaxar en trens Ave, longa distancia, Avant, media distancia e Avlo. 

Renfe comunicará Galicia e Madrid con tres trens diarios máis desde...
Comentarios