Rescatados dous pescadores en Bueu tras chocar a súa planadora contra unhas rocas

O accidente produciuse despois de que a hélice da embarcación se enredase unha corda

Vistas de Cabo Udra. DP
photo_camera Vistas de Cabo Udra. DP

Unha patrulleira da Garda Civil rescatou a dous pescadores de Bueu (Pontevedra) tras chocar a súa embarcación contra unhas rocas e quedar á deriva sen poder regresar a terra.

O operativo de rescate despregouse tras a alerta que o 112 Galicia realizou á Garda Civil e a Salvamento Marítimo sobre as once e media desta mañá, e na que se informaba de que unha pequena embarcación duns sete metros de eslora estaba semiafundida na zona de cabo Udra.

Os dous pescadores, segundo advertiu a persoa que avisou ao 112, atopábanse subidos ás rocas.  A Garda Civil, que chegou ao lugar media hora máis tarde, rescatou aos dous mariñeiros que se atopaban en bo estado de saúde e non necesitaron asistencia médica.

O accidente, segundo confirmaron os axentes, produciuse despois de que a hélice da embarcación se enredase cunha corda, deixándoa á deriva.

Comentarios