As reservas dos grupos sanguíneos A- e A+ atópanse baixas en Galicia

Para poder atender as necesidades dos centros sanitarios galegos son necesarias 500 doazóns de sangue cada día

Una de las unidades móviles de la Axencia de Doazón de Órganos e Sangue
photo_camera Unha unidade móbil de doazón de sangue. AEP

As reservas dos grupos sanguíneos A Positivo (A+) e A Negativo (A-) atópanse baixas en Galicia, mentres que as de Cero negativo (0-) e Cero positivo (0+) están normais, segundo a información facilitada este xoves pola Axencia de Doazón de Órganos e Sangue. A entidade lembra que para poder atender as necesidades dos centros sanitarios galegos son necesarias 500 doazóns de sangue cada día, polo que subliña a importancia de acudir a doar de todos os grupos sanguíneos. 

Co fin de facilitar a doazón, o vindeiro luns, 11 de febreiro, desprazará unidades móbiles aos municipios coruñeses de San Sadurniño, Culleredo, Corcubión e Negreira. Ademais, enviará unidades móbiles á localidade luguesa de Monterroso —á beira do Concello— e á cidade de Ourense.

Tamén o luns haberá unidades móbiles nos concellos pontevedreses de Cuntis —praza do Concello—, Salceda de Caselas —praza do Consistorio— e Vigo —rúa Urzáiz na zona do Calvario—.