Jueves. 21.02.2019 |
El tiempo
Jueves. 21.02.2019
El tiempo

Reúnen 130.000 firmas para reabrir o caso de Déborah Fernández

Déborah Fernández. AEP
Déborah Fernández. AEP

A familia da viguesa desaparecida en 2002 asegura que novos indicios para retomar a investigación

Máis de 130.000 persoas asinaron en pouco máis dunha semana a favor da reapertura do caso da moza viguesa Déborah Fernández, desaparecida cando facía deporte na zona de Samil, en Vigo, en 2002 e achada morta dez días máis tarde nunha cuneta na localidade do Rosal.

A familia de Déborah abriu esta iniciativa o 3 de febreiro na plataforma change.org e conseguiu unha forte mobilización social para intentar esclarecer o caso, que permanece arquivado desde 2010.

"Ninguén nin nada pode devolvernos xa a Déborah pero o enorme apoio recibido dános forzas para seguir loitando ata deter ao seu asasino. Estamos moi agradecidos e convencidos de que esta gran mobilización social servirá para reabrir o seu caso e para que, por fin, se faga xustiza", asegura nun comunicado a súa irmá, Rosa Fernández.

A familia asegura que apareceron "novos indicios" que poderían dar un xiro á investigación, pola que pasaron xa máis de cinco equipos e que sufriu tres cambios de xuíz.

"Estamos a preparar a documentación necesaria para pedir a reapertura do caso ante novos achados que poderían servir para reconstruír os feitos acontecidos hai 17 anos e abrir unha liña de investigación que nos permita esclarecer o que realmente lle pasou a Déborah", explica a avogada da familia e da Asociación SOS Desaparecidos, María Teresa Rojas.

Algúns personaxes como Sergio Pazos, Jon Kortajarena, Fonsi Neto, Tania Llasera, Carlota Corredera ou Paquita Clamores sumáronse á iniciativa pola reapertura do caso de Déborah Fernández a través das redes sociais.

Reúnen 130.000 firmas para reabrir o caso de Déborah Fernández
Comentarios