Rodríguez afirma que a convocatoria de prazas de profesores dará "certidumbre"

O conselleiro de Educación destaca que a oferta "duplica practicamente" as cifras do ano anterior

 

Román Rodríguez. EFE
photo_camera Román Rodríguez. EFE

O conselleiro de Educación e Ordenación Universitaria, Román Rodríguez, asegurou que a convocatoria para crear case 2.000 prazas de profesores permitirá dar "maior certidumbre e estabilidade" ao profesorado galego tras valorar que a proposta contemplada para este ano supón "practicamente duplicar" a do anterior.

Así o indicou antes de visitar as instalacións do centro ourensán CEIP Amadeo Rodríguez Barroso, onde se referiu á nova oferta pública de emprego ( OPE) para 2018 que permitirá crear o "dobre" de prazas en Educación que a que se convocaron o ano pasado.

En declaracións aos medios de comunicación, Rodríguez apuntou que é unha "boa noticia" para Galicia xa que a oferta "duplica practicamente" as cifras do ano anterior e fixa unha "liña de estabilidade de profesorado".

A actual proposta tradúcese en preto de dous mil postos dos que 1.050 correspóndense con profesores de secundaria e 574 con mestres de primaria. Ademais, haberá 160 prazas para profesores técnicos de FP, 30 de escolas oficiais de idiomas e outras 105 para catedráticos de música e artes escénicas para os conservatorios superiores.

A pesar de que Galicia "non ten un problema de estabilidade", apuntou que a actual proposta permitirá dar "maior certidumbre e estabilidade" ao profesorado galego, o que redundará na mellora da calidade educativa e na atención ao alumno.

Neste sentido, recalcou que a comunidade galega conta cunha das taxas de interinos "máis baixa" de toda España ao situarse "en torno ao 13 por cento" fronte a outras comunidades onde alcanzan o "30 por cento" ou a media española, que se sitúa nun 23 por cento. 

Comentarios