martes. 22.09.2020 |
El tiempo
martes. 22.09.2020
El tiempo

Sanidade recomenda aos maiores de 75 anos da área da Coruña non saír en horas de "afluencia"

Dos mujeres en el paseo marítimo de A Coruña. EFE
Dos mujeres en el paseo marítimo de A Coruña. EFE
Os establecementos deberán prestar un servizo de atención "preferente" para os maiores. As persoas hospitalizadas só terán un acompañante

A Xunta recomenda aos maiores de 75 anos, persoas vulnerables ou que presenten algunha enfermidade respiratoria —ou non poidan usar máscara— da comarca da Coruña non saír á rúa nin ir a establecementos en horas "de previsible afluencia ou concentración de persoas na vía pública" co fin de evitar riscos fronte ao coronavirus. Así figura nunha das resolucións publicadas a última hora deste mércores no Diario Oficial de Galicia (DOG), asinada polo conselleiro de Sanidade, Jesús Vázquez Almuíña. 

Esta medida recoméndase para os nove municipios da comarca ante o repunte de casos na zona nas últimas xornadas. En concreto, son os municipios da Coruña, Arteixo, Cambre, Culleredo, Oleiros, Abegondo, Bergondo, Carral e Sada. 

Ademais, os establecementos e locais comerciais "deberán prestar un servizo de atención preferente" a maiores de 75 anos, algo que ten que concretarse en medidas "como control de accesos ou caixas de pago específicos, e/ou en horarios determinados que aseguren devandita preferencia na atención". 

Segundo a orde de Sanidade, este servizo de atención preferente deberá sinalarse de forma visible nos establecementos.

LIMITACIÓNS EN HOSPITAIS. Ademais, o DOG recolle as restricións de visitas a enfermos hospitalizados, que avanzara unhas horas antes o presidente da Xunta. De tal forma, na área sanitaria da Coruña só poderá haber unha persoa por paciente, "preferiblemente menor de 70 anos e que non padeza enfermidades crónicas". 

No tocante á atención ambulatoria, permitirase un acompañante no caso de que a persoa atendida sexa dependente ou menor de idade.

LECER NOCTURNO, FESTAS, REUNIÓNS E AFORAMENTOS. Ademais, prolónganse as restricións implantadas hai uns días na comarca da Coruña, como o peche do lecer nocturno e a prohibición de festas e verbenas en nove municipios da área metropolitana, a limitación de reunións privadas de non convivientes a 10 persoas, a redución de aforamentos ao 50% ou o peche de centros de día. 

Estas medidas e recomendacións manteranse, polo menos, sete días

O mesmo ocorre coas medidas adoptadas para o brote da Mariña —recóllense noutra orde do DOG—, onde se mantén a limitación de aforamentos en locais de lecer nocturno para os próximos 7 días

Sanidade recomenda aos maiores de 75 anos da área da Coruña non...
Comentarios