Un veciño de Vilagarcía de 24 anos morre nun accidente de tráfico en Sanxenxo

O sinistro, no que se viron implicados dous vehículos, rexistrouse ás 2.40 horas na curva de Paxariñas, na PO-308
Estado no que quedou o vehículo do falecido. CEDIDA
photo_camera Estado no que quedou o vehículo do falecido. CEDIDA

Un veciño de Vilagarcía de 24 anos faleceu na madrugada deste domingo nun accidente de tráfico na PO-308 á altura de Sanxenxo.

O accidente, no que se viron implicados dous vehículos, rexistrouse ás 2.40 horas na curva de Paxariñas, na PO-308.

Os dous ocupantes do outro turismo resultaron feridos leves.

Foi necesaria a intervención dos servizos de urxencia para liberar á vítima mortal, que quedou atrapada no interior do turismo, debido ao impacto. Durante o tempo da excarceración a vía estivo cortada.

Ata o lugar do accidente desprazáronse efectivos da Policía Local de Sanxenxo e a Garda Civil de Tráfico, así como dúas ambulancias do 061, unha dotación de bombeiros do consorcio e outra de Emerxencias Sanxenxo.