domingo. 27.09.2020 |
El tiempo
domingo. 27.09.2020
El tiempo

A Xunta anuncia que traballa nun novo modelo de residencias de maiores

Fabiola García, no seu despacho. EFE
Fabiola García, no seu despacho. EFE
O organismo defende a súa "rapidez" á hora de intervir os centros

A consellería de Política Social, Fabiola García, asegurou que o seu departamento e o de Sanidade traballan xa na conformación dun "novo modelo de residencias" derivado das carencias detectadas pola pandemia de covid defendeu a "rapidez" coa que se actuou á hora de intervir algúns centros. 

A preguntas dos medios de comunicación nunha rolda de prensa en Santiago, a consellería recordou que "absolutamente todas" as residencias galegas contan a día de hoxe cun protocolo de actuación elaborado polo comité clínico e están "moito máis preparadas" que hai uns meses para "afrontar a entrada da covid". 

Así, e aínda que a situación complicouse en centros como o do Incio ou o de Otero de Rei, Fabiola García puxo de relevancia que "o 99% das residencias de Galicia non contan con ningún caso positivo nin de residentes nin de traballadores". 

García recoñeceu que a crise do coronavirus levou a "repensar un novo modelo de residencias", no que xa traballan as consellerías de Sanidade e Política Social, avanzou. Este modelo "debe ser pensado con tempo suficiente" e "dialogado co sector residencial" para "valorar a súa aplicación dun modo máis ou menos inmediato unha vez estea terminado". 

No entanto, a consellería non quixo detallar en que podería consistir este novo modelo. "Están sobre a mesa distintas propostas que estamos nestes momentos valorando para mellorar o funcionamento do sistema residencial de Galicia", dixo. 

Así mesmo, defendeu o sistema de intervención en residencias que ten a Xunta e no que se seguirá. "Galicia foi unha das primeiras comunidades que interviñeron residencias", dixo Fabiola García, unha intervención que descartou que se faga de forma indiscriminada, se non só nos casos nos "que o recomenda a autoridade sanitaria". 

Neste sentido, a consellería dixo que "a Xunta tomou as decisións con total rapidez en todas as residencias" e interviñéronse "independentemente de cal fose a súa titularidade". "O noso deber é velar pola seguridade e saúde dos residentes", resolveu.

Galicia, un exemplo

As consellerías de Política Social e de Sanidade, apuntou Fabiola García, están a dar "unha información diaria e exacta de todos os casos positivos" de residentes e traballadores en Galicia. 

"Galicia foi un exemplo a seguir polo resto das comunidades autónomas dando aos medios de comunicación diariamente de toda a información da que dispomos", apostilou a consellería, que reclamou ao Goberno central que "publique os datos da pandemia" en relación ás residencias, tanto a nivel nacional como de todas as comunidades. 

A Xunta anuncia que traballa nun novo modelo de residencias de...
Comentarios