Dúas persoas resultaron mortas e máis de 20 feridas ao descarrilar un tren de pasaxeiros a 35 quilómetros da cidade de Turín, no norte de Italia, informaron diversos medios da prensa italiana nas súas páxinas web. Segundo o xornal La República, o accidente tivo lugar cara ás 23.30 horas da noite do mércores ao xoves cando o tren cruzaba un paso a nivel preto da aldea de Are.
Unha das vítimas é o maquinista do tren, un home de 61 anos, e o segundo, segundo o xornal citado, un técnico encargado do convoi.
Dous vagóns, dos tres que arrastraba o tren, e a máquina descarrilaron e derrubaron un poste da luz antes de que o convoi parase no patio dunha casa contigua ao ferrocarril.
