O furacán Florence sobe a categoría 4 mentres se aproxima a Estados Unidos

Carolina do Sur ordenou a evacuación obrigatoria da súa zona costeira

El huracán Florence se aproxima a los Estados Unidos. EFE
photo_camera El huracán Florence se aproxima a los Estados Unidos. EFE

O gobernador de Carolina do Sur (EE.UU.), o republicano Henry McMaster, orde a evacuación obrigatoria da zona costeira deste estado ante a chegada do furacán Florence, que se dirixe cara á costa Leste estadounidense.

Florence converteuse este martes nun furacán de categoría 4, dun máximo de 5, ao aumentar os seus ventos máximos sostidos a 220 quilómetros por hora mentres se aproxima ás Carolinas, na costa sueste de Estados Unidos.

O Centro Nacional de Furacáns (CNH) de EE.UU. indicou no seu último boletín que o sistema "crece en tamaño e poder" e que é posible a emisión este martes das primeiras advertencias de furacán e marusía.

Antes sinalara que un avión "cazafuracáns" os informou "de que o ciclón se fortaleceu rapidamente" e converteu nun furacán de categoría 4.

Florence atópase a 845 quilómetros ao sur-sueste de Bermudas e a 1.880 quilómetros ao leste-sueste do cabo de Fear, en Carolina do Norte.

O furacán, que subiu de categoría 3 a 4 nun lapso curto de tempo, desprázase cara ao oeste cunha velocidade de translación de 20 km/h.

Segundo un probable patrón de traxectoria, o sistema chegará á costa das Carolinas entre a noite do xoves e madrugada do venres próximos.

Polo momento non se emitiu ningunha vixilancia nin aviso de furacán, pero poderían activarse a partir deste martes.

Comentarios