domingo. 27.09.2020 |
El tiempo
domingo. 27.09.2020
El tiempo

Morre por coronavirus un bebé de 4 meses en Portugal

A ministra de Saúde, Marta Temido, na rolda de prensa celebrada este mércores. SAÚDE PORTUGAL
A ministra de Saúde, Marta Temido, na rolda de prensa celebrada este mércores. SAÚDE PORTUGAL
Trátase da vítima de menor idade rexistrada no país

As autoridades portuguesas informaron este mércores da morte dun bebé de catro meses por coronavirus, a primeira vítima menor de 10 anos desde o inicio da pandemia no país, onde preocupan tamén os brotes rexistrados nos últimos días en residencias de anciáns. 

Segundo explicou en rolda de prensa a ministra portuguesa de Saúde, Marta Temido, a nena tiña unha cardiopatía conxénita grave e faleceu na rexión de Lisboa, tras ser contaxiada de coronavirus por un familiar. 

É un dos dous decesos rexistrados nas últimas vinte e catro horas en Portugal (o outro era un home de 80 anos), cando se contabilizaron 253 contagios novos

Preocupan especialmente os brotes detectados nos últimos días en residencias de anciáns, sobre todo no municipio de Odivelas, nos arredores de Lisboa, onde hai 71 persoas infectadas, 37 residentes e 34 traballadores.

O caso séguese con atención logo da polémica xurdida noutra residencia, en Reguengos de Monsaraz, na rexión do Alentejo, onde dezaoito persoas morreron en xuño sen que presuntamente se lles tratara da forma adecuada, segundo relevou esta semana un informe oficial. 

Preguntada polas residencias do país, que ascenden a 2.500, a ministra de Saúde dixo que seguen a situación neses lugares con atención. No entanto, matizou que durante a pandemia rexistráronse cifras peores en residencias, ata chegar a haber 365 centros con positivos. 

"Isto non significa desvalorizar", subliñou Temido, quen explicou que se busca pór en contexto os datos, dado que agora hai 69 centros con contaxiados. O dato tradúcese en 563 residentes e 255 traballadores actualmente infectados. 

En total, rexístranse en Portugal 152 brotes activos, a maioría deles, 74, na rexión de Lisboa e Val do Tajo, a zona máis afectada por coronavirus. Desde que empezou a pandemia, o país suma 1.786 mortos e 54.701 contaxios.

Morre por coronavirus un bebé de 4 meses en Portugal
Comentarios