O xoves Galicia queda na influencia das altas presións. Polo tanto, o ceo estará despexado en xeral con algunhas nubes baixas no terzo norte e néboas matinais en comarcas do interior.
As temperaturas mínimas non experimentarán cambios, mentres que as máximas terán un lixeiro ascenso.
O vento soprará do nordés, frouxo pola mañá, aumentando a moderado pola tarde, con intervalos fortes entre Estaca de Bares e Fisterra.
Temperaturas extremas previstas nas cidades:
A Coruña 12°/22°; Ferrol 12°/22°; Lugo 7°/21°; Ourense 11°/29°; Pontevedra 12°/27°; Santiago de Compostela 12°/24°; Vigo 14°/26°.