A fronte fría que chegou a Galicia durante a madrugada aínda continuará durante a mañá sobre Galicia, así que comezaremos a xornada con ceos cubertos e algún orballo. Co avance do día iranse abrindo claros, coa posibilidade dalgún chuvasco illado e ocasional na metade leste da Comunidade.
As temperaturas mínimas experimentarán un lixeiro ascenso, mentres que as máximas sufrirán un notable descenso. Os ventos soprarán frouxos de compoñente oeste.
