Ceos nubrados e temperaturas en descenso

O xoves espérase unha xornada de circulación do norte que achegará aire frío e cargado de humidade a Galicia.

Con esta situación, os ceos estarán máis nubrados canto máis ao norte, con choivas débiles no terzo norte, mentres que na metade sur os ceos estarán pouco nubrados ou despexados.

As temperaturas mínimas quedarán sen cambios significativos, mentres que as máximas sufrirán un moderado a notable descenso.  Os ventos soprarán de compoñente norte moderados en xeral.