As previsións meteorolóxicas anuncian un xoves sen cambios significativos no tempo en Galicia, onde seguirán sendo necesarios os paraugas. A influencia dunha borrasca provoca que o ceo estea cuberto, con choivas que se irán estendendo e facendo máis intensas segundo avance a xornada.
Atendendo ás proxeccións de Meteogalicia, o vento soprará frouxo de compoñente sur e as temperaturas non experimentarán cambios significativos. As mínimas moveranse entre os 9 graos de Lugo e os 12 da Coruña, Ferrol ou Pontevedra. A máxima chegará aos 17 graos en Ourense.
