Galicia continuará este mércores baixo influencia anticiclónica, pero con aire frío en capas altas. Deste xeito, os ceos alternarán nubes e claros, con algún chuvasco ocasional, máis probable no terzo norte.
As temperaturas mínimas sufrirán un lixeiro descenso, con xeadas en comarcas do interior, mentres que as máximas quedarán sen cambios significativos.
Os ventos soprarán do nordés, fortes no litoral, moderados no interior, pero aumentando en intensidade a fortes pola noite.
As temperaturas mínimas e máximas que se esperan en cada cidade son: A Coruña (8°-13°), Ferrol (8°-14°), Lugo (4°-13°), Ourense (5°-16°), Pontevedra (7°-17°), Santiago de Compostela (5°-12°) e Vigo (7°-17°).
