De madrugada espérase intervalos de nubes baixas, con brumas e néboas dispersas no interior que darán paso á apertura de claros pola mañá para quedar pouco nubrado ou despexado durante a tarde, excepto no litoral cantábrico, onde se manterán as nubes baixas e algún orballo disperso; ao final do día volverá aumentar a nebulosidade baixa e as brumas na metade norte.
As temperaturas cambiarán lixeiramente con predominio dos aumentos nas mínimas. No litoral ao sur de Finisterre, o vento soprará de compoñente norte, mentres que no resto do litoral soprará frouxo de dirección variable, tendendo a nordeste e leste; no interior, vento frouxo variable con predominio do compoñente norte nas horas centrais do día.
