Este martes Galicia irá quedando baixo os efectos dunha borrasca situada ao suroeste de Irlanda. Así, espérase ceo moi anubrado con choivas xeneralizadas ao longo do día, que serán algo máis persistentes no litoral e de modo máis intermitente no interior. Mentres, a cota de neve situarase ao redor dos 1.200 metros.
Segundo a información de Meteogalicia, dependente da Consellería de Medio Ambiente, o vento soprará forte do suroeste. Mentres, as temperaturas, tanto mínimas como máximas, experimentarán un lixeiro ascenso.
Deste xeito, as temperaturas máximas ascenderán até os 12 graos na Coruña, Ourense, Vigo, Ferrol e Pontevedra e os valores mínimos descenderán até os dous graos en Lugo.
