As previsións meteorolóxicas anuncian poucos cambios para este xoves en Lugo e o resto de Galicia, pola influencia dunhas borrascas que manteñen as nubes na comunidade. Así as cousas, o ceo estará parcialmente cuberto e espéranse chuvascos máis probables pola tarde. Localmente poden ser treboentos.
En canto ás temperaturas, as proxeccións de Meteogalicia non auguran variacións significativas nas mínimas e apuntan a un lixeiro descenso nas máximas nalgunhas zonas da comunidade. Moveranse así entre os 18 graos de Lugo e os 25 de Ourense no mapa urbano.
O vento, do nordés, será moderado en xeral e forte no litoral.
