Este sábado Galicia continuará baixo a influencia anticiclónica, con circulación do nordés. Así, o ceo estará despexado en xeral, con algunha nube de estancamento no terzo norte. Pola tarde crecerán nubes de evolución en zonas de interior.
Segundo a información de Meteogalicia, dependente da Consellería de Medio Ambiente, o vento soprará frouxo do nordés, con intervalos fortes entre Estaca de Bares e Fisterra.
Pola súa banda, as temperaturas experimentarán un lixeiro ascenso. Así, as máximas subirán até os 28 graos en Pontevedra e as mínimas descenderán até o cinco graos en Lugo.
