Galicia continuará este venres baixo a influencia anticiclónica, coas altas presións estacionarias ao noroeste da península Ibérica.
Deste xeito espérase outra xornada de ceo pouco nubrado ou despexado, con néboas matinais en puntos do interior e nubes de estancamento nas comarcas cantábricas.
As temperaturas mínimas quedarán sen cambios significativos, mentres que as máximas ascenderán. Os ventos soprarán do nordés, aumentando a súa intensidade pola tarde ata alcanzar refachos fortes no litoral da Coruña.
Temperaturas extremas previstas nas cidades:
A Coruña 15° 22°, Ferrol 15° 22°, Lugo 11° 23°, Ourense 16° 30°, Pontevedra 14° 30°, Santiago de Compostela 12° 24° e Vigo 17° 30°.
