Se o verán xa non se estaba caracterizando por ser especialmente caloroso e soleado, a semana que acaba de comezar aínda parecerá, meteorolóxicamente falando, menos estival que de costume. A chuvia chegará a Galicia este martes e probablemente acompañe a comunidade, como mínimo, ata o venres.
Con ese panorama, este martes as temperaturas mínimas na comunidade estarán en lixeiro ascenso, mentres que as máximas baixarán algo, atendendo ás previsións de Meteogalicia.
