jueves. 16.09.2021 |
El tiempo
jueves. 16.09.2021
El tiempo

Feridos cinco operarios nunha explosión rexistrada na fábrica de Finsa en Padrón

Incendio en la fábrica de Finsa, en Padrón. TVG
Incendio en la fábrica de Finsa, en Padrón. TVG

A deflagración rexistrouse mentres os operarios realizaban tarefas de aillamento nunha zona de tubaxes e unha delas reventou

Cinco operarios resultaron feridos, un deles de carácter grave, nunha explosión rexistrada na tarde deste martes nunha fábrica de Padrón.
 
Segundo informaron a Europa  Press fontes da Central de Atención a Emerxencias 112-Galicia, o suceso produciuse pouco despois das 15.30 horas, cando se rexistrou unha explosión nunha planta de Finsa situada no lugar de Iria Flavia, en Padrón. 

Os servizos de emerxencias apuntaron que a deflagración produciuse mentres os operarios realizaban tarefas de illamento nunha zona de tubaxes e unha delas rebentou. Como consecuencia, produciuse un pequeno incendio que foi sufocado polos propios traballadores. 

Ata a zona desprazouse o helicóptero medicalizado do 061 con base en Santiago, que trasladou ao Complexo Hospitalario da Coruña ao ferido grave, un home de 38 anos que entrou na unidade de queimados. 

​A maiores, desprazáronse varias ambulancias do 061, que trasladaron ao resto de feridos, en estado leve. En concreto, dúas persoas, de 51 e 53 anos, foron levadas ao Hospital Clínico de Santiago, mentres que outros dous, de 26 e 28 anos, foron derivados ao hospital  HM Rosaleda, tamén da capital galega. 

Feridos cinco operarios nunha explosión rexistrada na fábrica de...