Sábado. 20.10.2018 |
El tiempo
Sábado. 20.10.2018
El tiempo

Investigado un mozo de Cospeito por agredir a outro xunto a un pub de Vilalba

Un coche da Garda Civil. ADP
Un coche da Garda Civil. ADP

A vítima foi evacuada ao Hula e logo derivada a un centro na Coruña

A Garda Civil investiga a un mozo veciño de Cospeito como presunto autor dun delito de lesións por unha agresión cun ferido grave no exterior dun pub na localidade de Vilalba. 

Segundo informou o Instituto Armado, foi imputado en calidade de investigado en Vilalba un veciño de Cospeito de 24 anos de idade como presunto autor dun delito de lesións. 

Os feitos ocorreron ao redor das 6.30 horas do pasado 15 de abril nos exteriores dun pub da localidade de Vilalba, cando se produciu unha agresión á persoa denunciante. 

O agredido, "dada a gravidade das lesións", concretaron as mesmas fonte, foi "evacuado en primeira instancia" ao Hospital Universitario Lucus Augusti (Hula) de Lugo, tras o que foi derivado a un centro na Coruña. 

Pola súa banda, indicou a Benemérita, a persoa investigada en relación a este feito foi posta a disposición xudicial. 

Investigado un mozo de Cospeito por agredir a outro xunto a un pub...
Comentarios