Un mergullador faleceu na tarde deste martes na praia de Lobariz, en Ferrol, tras sufrir dificultades cando se atopaba na auga. Segundo a información facilitada ao 112 Galicia, o home apareceu no areal ás 18:30 horas.
Ata alí desprazouse un equipo médico do 061-Urxencias Sanitarias a bordo dunha Uvi móbil, pero xa non puideron facer nada por salvar a súa vida. Tras confirmar o falecemento, os profesionais sanitarios solicitaron a presenza das forzas da orde para que indaguen sobre as circunstancias que rodearon este suceso.
