lunes. 28.09.2020 |
El tiempo
lunes. 28.09.2020
El tiempo

Unha persoa ferida tras un accidente múltiple en Mos

A-55. GOOGLE MAPS.
A-55. GOOGLE MAPS.
Na colisión víronse implicados catro vehículos
Unha persoa tivo que ser hospitalizada este martes tras un accidente na A-55, ao seu paso polo municipio pontevedrés de Mos, no que se viron involucrados catro vehículos.

Segundo informou o 112 Galicia, o suceso tivo lugar sobre das once da mañá cerca do punto quilométrico 12. 

Foi un particular quen alertou do accidente e, segundo o seu relato, os turismos chocaron mentres se desprazaban pola autovía en dirección a Vigo.

Os xestores do 112 pasaron aviso aos profesionais de Urxencias Sanitarias de Galicia-061, aos Bombeiros do Baixo Miño e aos membros do Servizo Municipal de Urxencias de Mos.

Unha vez no lugar dos feitos, os equipos de urxencia confirmaron que os ocupantes dos catro vehículos se atopaban liberados e accesibles e informaron de que unha persoa fora evacuada en ambulancia a unha clínica hospitalaria.

Para garantir as condicións de seguridade na vía, desde o 112 Galicia solicitouse a colaboración dos axentes da Garda Civil de Tráfico, da Policía Local e do servizo de mantemento da vía.

Unha persoa ferida tras un accidente múltiple en Mos
Comentarios