Marta Veiga escribe sobre o descrido máis fantasioso da literatura internacional, Philip Pullman, co gallo do lanzamento da serie narrativa A materia escura. Camilo Franco traza a caída do Centro Dramático Galego dende a altura de ser compañía de base e dinamizadora ata a desidia. Antonio Costa Gómez fala de que o poeta e dramaturgo francés Jacques Prevert lamentaba a chuvia de obuses da Segunda Guerra Mundial que sucedeu á chuvia de abrazos de Bárbara. Paula Rego expón en Portugal obra sobre o xeito no que a condición humana afoga a infancia e a femineidade, como conta Ramón Rozas. Portorosa cociña ao forno mentres le a Murakami e se reconcilia. Jaureguizar amosa a súa preocupación pola vida sexual de Castelao.
