Pontón destaca en Vigo a importancia de que Miranda defenda a pesca en Europa

SInala que Galicia é "unha nación pesqueira" nun acto no que tamén participou o alcaldable Xabier Pérez Igrexas

A portavoz nacional del BNG, Ana Pontón, a aspirante ás europeas Ana Miranda, e o candidato a alcalde de Vigo, Xavier Igrexas, durante un acto en Vigo. SALVADOR SAS (Efe)
photo_camera A portavoz nacional del BNG, Ana Pontón, a aspirante ás europeas Ana Miranda, e o candidato a alcalde de Vigo, Xavier Igrexas, durante un acto en Vigo. SALVADOR SAS (Efe)

A portavoz nacional do BNG, Ana Pontón, defendeu este sábado en Vigo a importancia de que Ana Miranda logre un escano no Parlamento Europeo o próximo 26 de maio para que siga defendendo a pesca, un sector estratéxico para Galicia. 

"Ninguén vai defender o sector pesqueiro galego se non o fai o BNG. Será Ana Miranda quen defenda unha repartición de cotas de pesca digno para Galicia, quen defenda que os fondos europeos de pesca teñen que servir para producir e non para despezar barcos", asegurou a dirixente nacionalista. 

Segundo Pontón, "non é unha frase retórica dicir que Galicia é unha nación pesqueira", xa que describe a realidade económica, social e até cultural que a pesca representa no país e cuxa repercusión no PIB é a máis alta de toda a UE.

A portavoz nacionalista ha destacado o traballo de Ana Miranda e do BNG e cargou contra "as forzas estatais, que sempre utilizaron este sector como moeda de cambio con nefastas consecuencias para Galicia".

Entre outras propostas, o BNG aposta por declarar Galicia como zona altamente dependente da pesca, ter decisión sobre o litoral galego, que debe quedar libre da aplicación de TACs, asumir os plans de recuperación de especies e a regulación das artes e a capacidade inspectora.

Ademais, tamén defenderá a presenza de Galicia "con voz, voto e veto" nas institucións da UE onde se adopten decisións sobre pesca. 

Pontón demandou, ademais, pór fin á "aberración" de que os mariñeiros embarcados non teñan garantido o seu dereito ao voto.

A eurodeputada e candidata nacionalista propuxo a creación dunha Axencia Europea dos Océanos, cuxa sede estaría en Vigo. 

"Resultan indiscutibles vos beneficios que para Vigo tería este organismo, ao converter a cidade en faro europeo da xestión e a investigación oceánica", sinalou.

Tamén participou no acto electoral o candidato á Alcaldía de Vigo, Xabier Pérez Igrexas, que destacou á cidade como "punta de lanza da potencia pesqueira galega" 

Entre outras propostas, Pérez Igrexas destacou o seu plan para pór en marcha unha Mesa Local do Porto, con presenza da Autoridade Portuaria, a Xunta, o Concello, axentes da vida portuaria, universidade, organizacións sindicais e empresariais, así como o tecido social da cidade.

Comentarios