Imprimir

Adolfo Domínguez presentará un Ere para 110 persoas tras suprimir dúas marcas

Efe | 11 de mayo de 2018

Adolfo Domínguez, presidente y fundador de la compañía del mismo nombre. BRAIS LORENZO (EFE)
Adolfo Domínguez, presidente y fundador de la compañía del mismo nombre. BRAIS LORENZO (EFE)

A eliminación de U e AD+ levará o peche de tendas para evitar "duplicidades" en rúas e en centros comerciais

Adolfo Domínguez presentará un expediente de regulación de emprego (ERE) que afectará a 110 persoas, con medidas como despedimentos, mobilidade ou modificacións nas condicións de traballo, dentro do seu plan para eliminar dúas das súas marcas U e AD+, que implicará o peche de 56 tendas.

A eliminación de marcas levará o peche de tendas para evitar "duplicidades" en rúas e en centros comerciais nos que agora coincidían, por exemplo, un establecemento de U (público xuvenil) con outra de Adolfo Domínguez.

En abril, a compañía anunciou a posta en marcha dun plan para "fusionar" as súas marcas co obxectivo de centrar todo o seu deseño, negocio e rede de tendas na súa insignia principal: Adolfo Domínguez.

A peche de febreiro, a compañía contaba con 472 puntos de venda en 29 países, unha cifra que se situará na contorna de 416 ao peche do proceso, que, en total, afectará a 115 tendas, entre peches e transformacións.

A cifra final de puntos de venda en 2018 "completarase coas aperturas realizadas e previstas durante este ano", segundo Adolfo Domínguez, que pechou o seu exercicio de 2017 con 1.325 empregados.

Puede ver este artículo en la siguitente dirección /articulo/economia/adolfo-dominguez-presentara-ere-110-persoas-suprimir-duas-das-suas-marcas/20180511104253031865.html


© 2020 Galiciae

Fernando de Casa Novoa, 35 A 1ºB Santiago de Compostela

Tlfno: 981 55 25 30

(Grupo El Progreso)