A Asociación para a Recuperación da Memoria Histórica (ARMH) adquiriu o dominio 'www.franco.es' co obxectivo de convertelo nunha web para a denuncia dos crimes da ditadura franquista.
O dominio era propiedade dun cidadán norteamericano co que a asociación estableceu unha poxa para negociar o seu prezo, segundo explicou a ARMH este luns nun comunicado.
Polo momento a páxina conta cunha imaxe composta por múltiples fotografías que teñen que ver con crimes da ditadura e coa etapa do franquismo, ata que se decida mediante unha consulta entre os asociados cal será o destino que se lle dá ao dominio.