O xogador do Celta Iago Aspas estará de baixa "unhas tres semanas" despois de que a ecografía que lle realizaron este mércores revelase que sofre "unha rotura fibrilar no bíceps femoral da súa perna dereita", informaron este mércores fontes do club galego.
O dianteiro do Celta de Vigo lesionouse na recta final do partido que este martes á noite enfrontou ao seu equipo co FC Barcelona en Balaídos, no que volveu ser decisivo ao marcar o gol que supuxo o 2-2 definitivo.
Aspas, xogador da selección española e máximo goleador español da liga Santander, perderase seguramente os partidos contra o Valencia e o Vilarreal, e hai dúbidas de que poida estar no derbi contra o Deportivo da Coruña.
