A autopsia realizada a Julen, o neno de 2 anos que morreu tras caer o pasado 13 de xaneiro a unha profunda prospección en Totalán (Málaga), determinou que o pequeno faleceu pola caída ao pozo.
O informe definitivo conclúe que morreu sobre as 13.50 horas do 13 de xaneiro de 2019 e que "a causa fundamental da morte foi por precipitación", na que sufriu "traumatismo cranioencefálico e raquimedular", segundo aseguraron a Efe fontes xudiciais.
Sobre se puido morrer polo golpe dunha picaraña durante os labores de rescate, como mantén a defensa do dono do terreo, os forenses descartan esa posibilidade, xa que "non se observaron fracturas no plano superior da bóveda cranial", e ademais a picaraña comezou a funcionar case catro horas despois da súa morte.
Os patólogos determinan que o tempo de supervivencia "foi curto", que faleceu "poucos minutos logo da precipitación" e que non se tratou dunha caída libre, xa que a velocidade da caída viuse diminuída pola forza de rozamiento, roupas e saíntes do pozo.
